Trafegando pola Igualdade

Unha escura e misteriosa historia sobre tres nais (Madeline, Celeste e Jane) do norte de California cuxas vidas, aparentemente perfectas, se ven sorprendidas por un asasinato durante un evento para recadar fondos da escola. Celeste é unha muller cunha vida familiar perfecta e un esposo exemplar; con todo, loitará por conseguir algo que lle quita o sono todas as noites. Madeline é unha nai atrevida e divertida, pero terá que aturar que o seu exmarido e su actual muller vivan na mesma cidade ca ela. Pola súa banda, Jane é unha nai solteira, e a súa chegada á nova cidade non será todo o pracenteira que puidese imaxinar. Unha serie desafiante que conta como a irmandade entre mulleres axuda a afrontar os problemas e as violencias da vida cotiá. EUA. 60 min. Serie. 2 tempadas. Drama. Para + 18 anos. Pódese ver en HBO.

Anne Shirley é unha valente, culta e apaixonada moza orfa que, logo de pasar por varios fogares e polo orfanato, aos 13 anos atopa unha familia en Avonlea, a onde marcha para vivir con dous irmáns:  Marilla y Matthew Cuthbert. Este encontro non está exento de conflitos debido ás distintas personalidades e espectativas de todos eles. Coa súa enerxía e ímpeto, Anne cambia a vida da familia e introduce novos retos na vida da veciñanza en relación coa inclusión, a tolerancia, a igualdade e a solidariedade. Dun xeito marabilloso, romántico e preciosista conta as aventuras e as vivencias de Anne para encaixar nunha sociedade rural na que perduran moitos prexuízos. Así e todo, tamén se ven elementos de cambio e situacións nas que se ven os avances cara a unha sociedade máis xusto. Canadá. 45 min. Serie. 3 tempadas (total: 27 capítulos). Drama. A serie inspírase na obra "Ana de las Tejas Verdes". Cancelouse ao cabo da 3ª tempada. Para + 13 anos. Pódese ver en Netfl...

Unha parella ten un encontro sexual no contexto de parella estable, que remata en violencia sexual. Unha curtametraxe moi dura, con violencia sexual explícita, para denunciar a violación na parella, que se recoñece como tabú e moi frecuente, de aí o título da curta ("Son unha máis"). Francia. 2 min. Curtametraxe. Drama. Baseado en feitos reais. Para + 18 anos. Pódese ver en liña en Vimeo .